Отворено Писмо до Зоран Заев

Г-ине Зоран Заев !

Ви се обраќаме на овој начин, бидејќи за поинаков немаме избор. Приметивте не Ви се обраќаме со Премиер, бидејќи за нас, во МАКЕДОНИУМ тоа и не сте. Вие сигурно сте подзаборавиле , но ние еве Ве потсетуваме, дека на последните избори Вие не го добивте мандатот за формирање Влада, туку изгубивте. Исто така Ве потсетуваме, дека избравте и нелигитемен и неуставен Претседател на Собранието на Р. Македонија, па така и начинот на кој дојдовте на Власт е незаконски и неуставен, па затоа ние Ве сметаме за нелегитимна Власт и сите документи, Договори, Закони и останати акти што Вие и Вашата Влада ќе ги донесете, а Собранието ќе ги одобри, ние ги сметаме за неважечки.

Да бидеме појасни, се што ветувавте пред и за време на изборната кампања, за се лажевте и ништо не оставривте. Откако сте дојдени на Власт, досега не донесовте ниту една реформа, а ја задолживте и продолжувате енормно да ја задолжувате државата со огромни суми.

Се извинуваме, има една работа што ја ветивте и ја исполнувате : Јадете живи луѓе и тоа, буквално !

Со секој потег што досега го направивте , Вие се обидувате да ја разнебитите државата, нашата, но и Ваша држава г-ине Заев, Република Македонија.

1. Го донесовте Законот за јазици

При донесувањето на овој Закон, Вие и Вашата партија СДС, во содејство со Вашите коалициони партнери од албанските партии, сторивте низа прекршоци. Прв е тоа што на овој Закон му ставивте ‘европско знаменце’, во обид да го протуркате без поширока дискусија и преку ред. Г-ине Заев, па сите, тука во Македонија, ја слушнаа изјавата на Еврокомесарот за проширување, Јоханес Хан, кој јавно кажа дека, овој Закон не е приоритет и нема потреба од негово ‘итно’ донесување. Но, не, Вие запнавте со сите сили да го донесете, со што створивте невиден хаос и револт меѓу македонскиот народ. Сите квалификувани, стручни лица во Македонија, кои го познаат нашиот Устав, јавно излегоа со забелешките дека овој Закон, се коси со Уставот и дека секое инсистирање на негово донесување, вака како што Вие го предлагате, ќе биде противуставен чин , за Вас не беа доволни и вредни за преиспитување на оваа Ваша Одлука.

Вие се одлучивте, сето ова да го занемарите и продолживте со Вашата замисла. Го донесовте и го изгласавте Законот. За нас, во Македониумот, не е среќа тоа што, Претседателот не Ви го потпиша Законот, знаејќи ја можноста за повторно гласање во Собранието, кога неговиот потпис нема да биде релевантен. Не е среќа, ниту тоа, што македонската опозициска партија ВМРО ДПМНЕ, поднесе илјаднци амандмани, што секако, на извесно време, ќе го закочи процесот на повтроно донесување и изгласување на овој Закон.

За нас, среќа ќе беше, Вие воопшто да не го поднесовте овој Закон, бидејќи истиот јасно ја води државата кон разнебитување и федерализација, која е и главна цел на ‘тиранската платформа’, за која Вие и Вашата партија СДС, тврдевте дека не постои, а која Вашите албански коалициски партии, јавно ја поддржаа и со сите средства, вклучувајќи ве и Вас, се обидуваат, да ја реализираат.

2. Договорот за ‘добрососедство’ со Бугарија

Ова е втората работа, која ја направивте и со која Македонија ја пониживте и дискредитиравте.

Добро, зар навистина верувате дека сте толку паметен и дека досега, ниту една Влада на Македонија, не се досетиле да го потпишат овој Договор ? Дали сте се запрашале, ЗОШТО, не го сториле тоа?

Одговорот е јасен и недвосмислен. Овој Договор, не е корисен, ниту е во прилог на Р. Македонија.

Зарем мислите дека, Вие ќе ја ретуширате и ќе ја менувате истроијата ?

Г-ине Заев, во историјата, која се изучува низ целиот свет, секаде е нотирано, запишано и докажано, дека Бугарија во Втората Светска војна, беше на страната на фашистичка Германија.

Како немате нималку срам, како немате нималку чувство за почит на жртвите кои македонскиот народ ги даде за ослободување на татковината, од никој друг, туку, токму од бугарските фашисти. Доволно е да прошетате малку низ нашата држава и ќе ги видите, на секој чекор, спомениците кои потсетуваат на тоа време и херојската борба на македонските партизани со бугарските фашисти.

Понижување и дискредитирање на македонската наука и научници е формирање на разноразни комисии за ревидирање и наново пишување на историски случувања. Зарем, навистина мислите дека со Ваш потпис, ќе избришете и ќе смените историја ?

Ќе признаете, дека , со еден Ваш потпис, обидот да го менувате минатото и историјата, е трагикомична илузија на очајник.

А за непризнавањето на македонскиот јазик од страна на бугарските власти, нема да Ви објаснуваме, бидејќи ќе ни одзмеме многу време и енергија, а се ќе се сведе на тоа дека со овој чин Вие, г-ине Заев, сторивте непоправлива штета на Македонија и се ставивте меѓу ПРЕДАВНИЦИТЕ на Македонија и македонската кауза, која еден ден ќе биде санкционирана соодветно од македонскиот народ.

3. Менување на името и идентитетот

Сите ја слушнавме Вашата изјава: ‘’Подготвени сме за географска одредница’’.

Дали сте свесен за ова што го изјавивте ?

Кој сте Вие да давате ваква изјава од наше име ?

Еве овде, јавно, јасно и гласно Ви порачуваме и кажуваме : Ние, членовите на Македониумот не сме спремни за било каква додавка, придавка, одредница и сл.

Нашиот став е : Нашето име е РЕПУБЛИКА МАКЕДОНИЈА и никако поинаку и нема што да преговараме за нашето име и идентитет.

ПРЕКИН НА ПРЕГОВОРИТЕ И ТОА ВЕДНАШ !!!!

Престанете да го лажете народот дека ставањето на географска одредница пред името Македонија, не го менува идентитетот.

На сите ни е јасно дека, менувањето на името значи и менување на идентитетот. И со никакви објаснувања тоа не можете да го оправдате.

Ниту, Вие, ниту оваа Ваша влада, ниту било која идна, нема мандат за вакво нешто. Ова име постои со милениуми, запишано е во Библијата и никој нема право да го менува, преправа или преиначува.

Што се однесува до проблемот што Грција го има со ова наше име, а кој Вие се обидувате да го решите, на наша штета, ќе се обидеме во кратки црти да Ви ги предочиме, правните и законски мерки што Ви се на располагање да го решите овој проблем.

3.1. Пресудата на Меѓународниот Суд во Хаг

Улогата на Судот е да решава правни спорови во согласност со меѓународното право, кои се доставени до него од страна на државите како и да дава советодавни мислења за правни прашања поднесени до него од страна на овластените органи на Обединетите нации и специјализираните агенции.

Судот со 14 (четиринаесет) гласа ЗА и 2 (два) ПРОТИВ, одлучил дека има надлежност да постапува за случајот ‘’Република Македонија против Грција’’. Со тоа го отфли грчкото барање да се прогласи за ненадлежен.

‘’Грција го прекршила член 11 од Времената спогодба со блокирањето на приемот на Македонија во НАТО на Самитот во Букурешт во 2008’’ пресуди Меѓународниот суд на правдата во Хаг.

Претседателот на Судот Хисаши Овада соопшти дека Одлуката е донесена со 15 (петнаесет) гласови ЗА и 1 (еден) ПРОТИВ.

На соопштувањето на пресудата присуствуваа тогашниот шеф на македонската дипломатија Никола Попоски, поранешниот министер за надворешни работи Антонио Милошоски, кои ја застапуваа Република Македонија во процесот и македонскиот амбасадор во Кралството Холандија, а сегашен Министер за надворешни работи во Вашата влада, Никола Димитров. Во правниот тим на Македонија беа и четворица професори по право од Лондон, Вашингтон, Брисел и Сорбона, како и двајца нивни колеги од Правниот факултет при УКИМ.

Пресудите на Меѓународниот суд на правдата се конечни и обврзувачки за земјите-членки на ОН, односно за страните во спорот и во огромен процент тие се испочитувани.

Е па г-ине Заев, Македонија е во оној ‘мал’ процент на неиспочитувани, а Вие очигледно се согласувате со тоа, иако вашиот Министер бил жив сведок на сето ова.

3.2. Времената спогодба

Во Преамбулата на Спогодбата ‘’се повикува на принципот за неповредливост на границите и територијалниот интегритет на државите, вграден во Завршниот Акт на Конференцијата за Безбедност и Соработка во Европа, потпишана во Хелсинки, а со желба да ја потврдат постоечката граница меѓу нив како трајна меѓународна граница, потсетувајќи се на нивните обврски да не се мешаат, со каков било предтекст и во каква било форма, во внатрешните работи на другиот ’’.

Е па г-ине Заев , толку од обвинувањата на Грција дека Македонија има иредентистички намери и територијални претензии. Тоа е веќе решено.

Понатака, ќе Ве потсетиме на некои од точките во оваа Спогодба:

‘’ А. МЕРКИ ЗА ГРАДЕЊЕ ДОВЕРБА И ПРИЈАТЕЛСКИ ОДНОСИ

Член 1

1. Со влегувањето на сила на оваа Времена Спогодба, Првата Страна (Грција) ја признава втората страна (Македонија) како независна и суверена држава, под привремена одредница воспоставена во писмото на Првата Страна со датум на оваа Привремена Спогодба, а Страните во најскор датум ќе воспостават дипломатски односи на усогласено рамниште со конечна цел тие да бидат подигнати на амбасадорско ниво.

2. Првата Страна, што е можно најбрзо ќе воспостави канцеларија за врска во Скопје, главниот град на Втората Страна, а Втората Страна, што е можно најбрзо ќе воспостави канцеларија за врски во Атина, главниот град на Првата Страна.

Член 3

Секоја од Страните се обврзува да го почитува суверенитетот, територијалниот интегритет и политичката независност на другата Страна. Ниту една Страна нема да поддржува активности на трета страна насочени против суверенитетот, територијалниот интегритет и политичката независност на другата Страна. ‘’

Што не Ви е јасно г-ине Заев ?

Со Спогодбата Грција го признава суверенитетот и независноста на Македонија. Со тоа признава дека како независна и суверена држава имаме право да си го одредиме името, идентитетот, јазикот и сл.

Каде пишува дека треба да преговараме за името и идентитетот ?

Значи Вие свесно ги прекршувате и своеволно ги интерпретирате овие точки од Спогодбата, со што и нанесувате огромна штета на интересите на нашата држава.

‘’А. ЧОВЕКОВИ И КУЛТУРНИ ПРАВА

Член 9

1. Страните во сите нивни постапки ќе се раководат од духот и принципите на демократија, основни слободи, почитување на човековите права и слободи, владеењето на законот, во согласност со Повелбата на Обединетите Нации, Универзалната Декларација за Човековите Права, Европската Конвенција за Заштита на Човековите Права и Основни Слободи, Меѓународната Конвенција за Отстранување на Сите Облици на Расна Дискриминација, Конвенцијата за Правата на Детето, Хелсиншкиот Завршен Акт, документот на Копенхагеншката Средба и Конференцијата за Човековите Димензии на Конференцијата за Безбедност и Соработка во Европа и на Париската Повелба за Нова Европа.

2. Ниту едно право или инструмент наведен во претходниот параграф 1 не може да се толкува во смисла да им дава право да превземаат постапки спротивни на целите и принципите на Повелбата на Обединетите Нации, или на Завршниот Хелсиншки Акт, вклучувајќи го и принципот на територијален интегритет на Државите.’’

И тука, што не Ви е јасно г-ине Заев ?

Почитувањето на човековите права и слободи, значи почитување на самоопределување, на самоизразување, односно определување спрема свое одредување, како македонец, со свој јазик, македонски. Тоа е демократија г-ине Заев, разбирате ли ?

Како додаток на горе наведеното, ќе ви ги цитираме член 7 и член 12 од Универзалната Декларација на Човековите права донесена од ОН уште на 10 декември 1948 во Париз :

Article 7.

All are equal before the law and are entitled without any discrimination to equal protection of the law. All are entitled to equal protection against any

discrimination in violation of this Declaration and against any incitement to such discrimination.

Article 12.

No one shall be subjected to arbitrary interference with his privacy, family, home or correspondence, nor to attacks upon his honour and reputation. Everyone has the right to the protection of the law against such interference or attacks.

Се надеваме дека имате доволно писмени и стручни да Ви ги преведат овие два члена односно три реченици. Тие доволно кажуваат за нашите, македонските, права и слободи.

Кој Ви даде право да ги прекршувате ?

За тоа ќе одговарате пред Суд, но не пред овој Суд, кој моментално го имате купено и заплашено, и кој го има изгубено достоинството и дигнитетот. Ќе дојде и друго време, судиите се менливи и минливи, но Судот на Народот е вечен, ќе пресуди и ќе Ве смести на правото место во историјата на Р. Македонија. А Вашето место е меѓу ПРЕДАВНИЦИТЕ.

3.3. Решение за спорот што Грција го има со нашето уставно име

При донесувањето на резолуцијата на Советот за безбедност за името на Македонија повредени се членовите 2 и 4 од Повелбата на ОН.

Приодот кој Советот за безбедност го следи, односно наметнува, во своите резолуции 817 (1993) и 845 (1993) за разрешување на прашањето на привременото име на Македонија во ОН се преговори меѓу Македонија и Грција за нивната „разлика“ околу името, за РМ е несоодветен бидејќи навлегува во областа на нејзините неотуѓиви права.

Советот за безбедност признава дека државата – апликант (Р.Македонија) ги исполнува условите од 1 – 5 од членот 4 на Повелбата, со што таа, заради универзалноста на организацијата, стекнува неотуѓиво и безусловно право за прием во ОН.

Фактот дека, при приемот во членство на ОН, на Македонија ѝ се поставени, дополнителни услови за прием,без правна основа,кажува дека Македонија неоправдано е доведена во неравноправна положба во однос на другите држави, како во постапката за прием, така и после приемот. Со ова, на Македонија и е повреден принципот на „суверена еднаквост” на државите, содржан во став 1 од член 2 на Повелбата. Правниот идентитет на државата е неразделен дел на нејзината правна личност, така да правото на поседување на име е внатрешно право на државата (кое таа го стекнува при своето создавање).Тука треба да се напомене дека Македонија е потписник на Повелбата од нејзиното основање, како суверена држава во составот на тогашна Југославија. Од принципот на суверена еднаквост на државите (член 2, став 1 на Повелбата) и принципот на неповредивоста на правната личност на државата, содржан во „Декларацијата за принципите на меѓународното право кои се однесуваат на пријателските односи и соработка меѓу државите, согласно со Повелбата на ОН”, произлегува дека државата има неотуѓиво право на самостоен независен избор на своето име. Според тоа, изборот на името на државата влегува во нејзината строго внатрешна јурисдикција. Со вклучување на дополнителни услови во резолуциите на Советот за безбедност и Генералното собрание за прием на Македонија во членство на ОН, сврзани со името на Македонија, се повредува ставот 7 од член 2 на Повелбата, се кој се заштитува внатрешната јурисдикција на државата и од самите Обединети нации .

И да не должиме многу, накратко, може да се заклучи дека при донесувањето на резолуцијата 817/1993 на Советот за безбедност и резолуцијата 47/225 (1993) на Генералното собрание се повредени членот 4, став 1, како и членот 2, ставови 1 и 7 од Повелбата.

Она што Македонија треба да го направи е да се обрати до Генералното собрание на ОН со барање за воспоставување на нејзиното уставно име во ОН, а врз основа на повредата на членовите на Повелбата кои се однесуваат на нејзиниот прием и статус во ОН и непочитувањето на резолуцијата 197/3 (од 1948) на Генералното собрание.

Многу кратко и јасно г-ине Заев. Ние го знаеме тоа, го знае тоа и македонскиот народ. По се изгледа дека само Вие не знаете, е па еве ние Ви кажуваме, да не речете дека не сме Ве информирале.

Г-ине Заев, името не го измисливме , ние денес. Тоа ни е наследство од нашите предци, па според тоа, никој го нема правото да го менува, поготово не Вие, според Ваши желби и потреби, за влез во организации како НАТО и ЕУ, за кои исто така немате право да одлучувате, без одобрение на македонскиот народ.

Ќе го завршиме ова наше писмо со напомена, дека доколку продолжите со Вашето самоволие, ние МАКЕДОНИУМ ќе направиме се, што вклучува и соединување со истомислечки здруженија и организации, за да го подигнеме македонскиот народ, да си ја заштити татковината Македонија од Вас, Вашата партија и Вашите коалициски партнери.

Г-ине Зоран Заев,

Ние Македонците и Македонките во Се Македонскиот Национален Совет – МАКЕДОНИУМ, чувствуваме морална обврска да застанеме на браникот на Македонските Национални Интереси, онаму каде што Вие, Вашата влада и коалиција и Вашата партија одбивате, со умисла или без неа, да ја вршите својата уставна обврска и должност.

Чувствуваме морална и патриотска обврска да ве ставиме во историски заборав од каде што никогаш и не требаше да дојдете на власт.

Ќе Истраеме и ќе ве Победиме со вољата на македонскиот народ.

СеМакедонски Национален Совет

-МАКЕДОНИУМ

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google+ photo

You are commenting using your Google+ account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

w

Connecting to %s